Gransking í skráunum
Tá ið talan er um ílegugransking ber til at fáa atgongd til navnloyndar dátur úr Vevnaðarskránni, Diagnosuskránni og Ættarbandsskránni, sum fluttu yvir í Fólkaheilsustýrið tá ið Ílegusavnið varð flutt yvir í Fólkaheilsustýrið.
Fólkaheilsustýrið samstarvar við lærustovnar, vinnulív, granskarar eins væl og lesandi.
Tú kanst fáa atgongd til dáturnar í skráunum við einum sáttmála við Fólkaheilsustýrið. Sáttmálin gevur tær rættindi til at granska í ávísum tilfari eitt avmarkað tíðarskeið og til at geva út ávísa nøgd av vísindaligum greinum. Fyri at fáa sáttmála í lag er krav, at tú hevur góðkenningar frá viðkomandi myndugleikum:
- Sáttmáli við Fólkaheilsustýrið
- Kliniskur ábyrgdahavi (Heilsustarvsfólk við løggilding, ið hevur tilknýti til tað føroyska heilsuverkið)
- Góðkenning frá Vísindasiðsemisnevndini (tó ikki til øll sløg av registarakanningar)
- Váttan at krøv í Dátuverndarlógini eru uppfylgd
Til ber at samstarva við Fólkaheilsustýrið bæði um íleguverkætlanir, epidemiologiskar verkætlanir o.s.fr. Set teg í samband við okkum fyri at frætta nærri um møguligt samstarv, avmarkingar og møguleikar.