logo
Útgivið 05. oktober 2023

Koppsetingar 2023/2024


Nú kanst tú biðja tær tíð at verða koppsett/-ur fyri influensa og Covid-19.

Tilboðið um ókeypis koppseting er fyrst og fremst fyri at verja tey, sum hava øktan vanda fyri at gerast álvarsliga sjúk. Tí verða kunngerðirnar um koppseting javnan eftirmettar og dagførdar.
Kunngerðirnar gera greitt, hvør kann fáa ókeypis koppseting. Men tey, sum ikki eru fevnd av tilboðnum, kunnu vanliga verða koppsett við at gjalda fyri hetta sjálvi.

Influensa og Covid-19
Tey, sum fáa tilboð um ókeypis koppseting fyri ávikavist influensa og Covid-19, eru nú í stóran mun somu bólkar. Millum teirra, sum fáa hesi tilboð, eru:

  • tey, sum eru 65 ár og eldri
  • fyritíðarpensjónistar
  • tey, sum eru í vanda fyri at gera álvarsliga sjúk, um tey verða smittað
  • tey, sum hava ávísar sjúkur ella niðursetta órinsverju
  • húskið hjá teimum, sum eru í serligum vandabólki
  • heilsu- og røktarstarvsfólk
  • barnakonur
  • børn millum 2 og 7 ár fáa tilboð um influensakoppseting

Hóast allar koppsetingar vanliga verða givnar hjá lækna, ber eisini til at fáa koppseting fyri Covid-19 á apotekinum.
Tá koppsett verður í læknaviðtaluni, ber nú eisini til at fá tíð at koppseta seg fyri influensa og Covid-19 um eina leið.
Til ber at biðja sær tíð til koppsetingar hjá kommunulæknanum. Listi við kommunulæknum er her.
Í flestu førum er lættast at biðja sær tíð til koppseting við at senda talgilda umbøn á heimasíðu hjá læknaviðtaluni ella á www.minlaekni.fo (Gev gætur, at ikki allar læknaviðtalur kunnu skráseta talgildar umbønir)
Til ber eisini at biðja sær tíð á apotekinum til koppseting fyri Covid-19 her.

Aðrar broytingar í kunngerðini
Millum broytingarnar í kunngerð eru eisini, at barnakonur nú fáa tilboð um ókeypis koppseting fyri kikhosta frá 24. viku, sum er 4 vikur fyrr enn áður. Harumframt er broyting gjørd í aldursmarkinum fyri HPV-koppseting.

Nærri kunning um koppsetingar er at finna her

Kunngerðirnar um ókeypis koppseting kunnu lesast her:
https://logir.fo/Kunngerd/151-fra-29-10-2020-um-okeypis-koppseting-imoti-avisum-smittandi-sjukum
https://logir.fo/Kunngerd/106-fra-28-09-2023-um-okeypis-koppseting-imoti-COVID19

Onnur kunning

  1. Útgivið 21. mar. 2024
    Føroyingar roykja nógv meira enn aðrir norðurlendingar
  2. Útgivið 19. mar. 2024
    Løgfrøðingur til Fólkaheilsustýrið
  3. Útgivið 08. mar. 2024
    Samstarvsavtala við Genomisk Medisin á Ríkissjúkrahúsinum
  4. Útgivið 01. mar. 2024
    ABC samstarvsfundur og nýggjur samstarvsfelagi
  5. Útgivið 22. feb. 2024
    FarGen miðvísari til verka
  6. Útgivið 09. feb. 2024
    Stovnarin av ABC fyri sálarliga heilsu vitjar í Føroyum
  7. Útgivið 01. feb. 2024
    PKU-kortini hjá føroyingum flyta til Føroya
  8. Útgivið 29. jan. 2024
    Vend í tølunum fyri umfarssjúkur
  9. Útgivið 23. jan. 2024
    Kanningartilboð av nýføðingum víðkað til 25 sjúkur
  10. Útgivið 10. jan. 2024
    Visit Faroe Islands Meetings skrivað grein um ABC
  11. Útgivið 05. jan. 2024
    Móttøka í Fólkaheilsustýrinum
  12. Útgivið 02. jan. 2024
    Tíðindaskriv: Farsóttarøkið á føroyskar hendur
  13. Útgivið 28. des. 2023
    Ver virkin í 31 dagar
  14. Útgivið 27. des. 2023
    Almenn móttøka í Fólkaheilsustýrinum
  15. Útgivið 22. des. 2023
    Jóla- og nýggjársheilsan
  16. Útgivið 21. des. 2023
    Legg av 2024
  17. Útgivið 04. des. 2023
    Jólakalendari hjá Fólkaheilsustýrinum
  18. Útgivið 27. nov. 2023
    Vinnararnir funnir
  19. Útgivið 24. nov. 2023
    Átøk í ABC vikuni skapt nýggjar felagsskapir
  20. Útgivið 17. nov. 2023
    Tíðindaskriv: 5.104 ferðir takk