logo
Útgivið 13. september 2023

ABC samstarvsfundur hesaferð hjá Eiðis kommunu


Mánadagin hittust samstarvsfelagar í ABC fyri sálarliga heilsu fyri triðju ferð í ár og hesaferð legði Eiðis kommuna karmar til samstarvsfundin.

Á skránni vóru bólkaarbeiði og framløgur, m.a. blivu nýggj úrslit úr eini føroyskari kvalitativari kanning løgd fram. Kanningin vísir, at føroysk ung meta, at ov nógvir valmøguleikar, høgar væntanir og avmarkaðir møguleikar í einum lítlum samfelag kunnu hava neiliga ávirkan á sálarligu heilsuna. Eisini vórðu úrslit úr nýggju donsku “Skolebørnsundersøgelsen” løgd fram, ið vísa, at tey flestu ungu í 5., 7., og 9. flokki hava tað gott, men at ein stórur og vaksandi minniluti er, ið hevur sálarligar heilsutrupulleikar og sum kennir seg einsamallan ella strongdan. Hetta er serliga galdandi fyri gentur í 9. flokki, og ein týðuligur sosialur ójavni er knýttur at úrslitunum.

Í ABC fyri sálarliga heilsu verður ofta varpað ljós á jaligu síðurnar av felagsskapum, men á samstarvsfundinum løgdu vit nýggj donsk granskingarúrslit fram, ið snúðu seg um felagsskapir í ungdómslívinum, bæði tá teir gera gott, og tá teir gera ilt. Úrslitini snúðu seg ikki um tey, ið eru uttan fyri felagsskapin, men breiðu sløgini av felagsskapum. Felagsskapir við onnur ung eru púra avgerandi fyri tað góða ungdómslívið. Felagsskapir kunnu geva ungum gleði, tryggleika og kensluna av at hoyra til. Tá felagsskapir eru góðir, fáa ung atgongd til uppbyggjandi menning, ið kann styrkja sosialan trivnað. Men idealið fyri at passa inn kann vera trongligt, og fyri summi er tað eitt stríð at passa inn. Fyri tey ungu kunnu felagsskapir hava við sær eina niðurbrótandi gongd, ið yvir longri tíð kann skapa sosialan mistrivnað, um eingin leggur uppí. Tað er umráðandi at skapa felagsskapir, so okkurt er fyri øll og at geva ungum atgongd til ymiskar felagsskapir á ymiskum pallum, tí ung eru ymisk og hava ymiskar tørvir.

Eisini greiddu umboð fyri Eiðis kommunu og Psykoterapeut Felag Føroya frá sínum virksemi og ætlanum við ABC fyri sálarliga heilsu. Dagurin endaði við eini framløgu um ABC á arbeiðsplássinum.

Samstarvsfelagarnir eru byrjaðir at gera ætlanir fyri ABC vikuna í ár, ið verður í viku 40. Skráin og meiri kunning um ABC vikuna kemur seinni.

Á fundinum hesaferð luttóku umboð fyri:

Eiðis kommunu, Klaksvíkar Kommunu, Tvøroyrar kommunu, Sunda kommunu, Tórshavnar kommunu, Vága kommunu, Psykoterapeut Felag Føroya, Reyða Kross, Bláa Kross, Almannaverkið, Fysioterapeutfelag Føroya, SSP, Gigni, Psykiatriska depilin, Fótbóltssamband Føroya, Húsarhaldsskúla Føroya og Fólkaheilsustýrið.

Onnur kunning

  1. Útgivið 27. nov. 2023
    Vinnararnir funnir
  2. Útgivið 24. nov. 2023
    Átøk í ABC vikuni skapt nýggjar felagsskapir
  3. Útgivið 17. nov. 2023
    Tíðindaskriv: 5.104 ferðir takk
  4. Útgivið 14. nov. 2023
    Hevur tú diabetes?
  5. Útgivið 13. nov. 2023
    Freistin er á midnátt
  6. Útgivið 03. nov. 2023
    Tíðindaskriv: Hvussu hevur tú tað, føroyingur?
  7. Útgivið 18. okt. 2023
    FarGen tørvar menn
  8. Útgivið 16. okt. 2023
    Hvussu ber til at fáa eitt heilt samfelag at trívast?
  9. Útgivið 05. okt. 2023
    Koppsetingar 2023/2024
  10. Útgivið 03. okt. 2023
    Trý nýggj filmsbrot til ABC fyri sálarliga heilsu
  11. Útgivið 29. sep. 2023
    Virkin oktober fyri triðju ferð!
  12. Útgivið 27. sep. 2023
    ABC vika við 50 almennum tiltøkum
  13. Útgivið 20. sep. 2023
    Hvussu hevur tú tað?
  14. Útgivið 15. sep. 2023
    FarGen á Breddanum
  15. Útgivið 06. sep. 2023
    Prime í Føroyum
  16. Útgivið 31. aug. 2023
    FarGen: Tørv á fleiri sjúkum
  17. Útgivið 17. aug. 2023
    Føroysk ung uppliva endaleysar valmøguleikar og órealistiskar væntanir
  18. Randi Saxov, leiðsluskrivari, og Katrin E. Danielsen, fulltrúi
    Útgivið 05. jul. 2023
    Nýggj starvsfólk
  19. Útgivið 04. jul. 2023
    Mettu seg hava tað betri undir fyrstu koronubylgju
  20. Útgivið 30. jun. 2023
    Nýggj føðslutilmæli til frama fyri heilsu og umhvørvi