logo
Útgivið 09. mai 2023

ABC fyri sálarliga heilsu vekir ans á altjóða ráðstevnu


Í farnu viku vóru umboð fyri ABC fyri sálarliga heilsu og Fólkaheilsustýrið á ráðstevnuni “17th World Congress on Public Health” í Rom.  

Í Føroyum, Avstralia, Danmark, Norra og Svøríki verður í løtuni arbeitt við ABC fyri sálarliga heilsu og á ráðstevnuni hittust umboð fyri øll londini fyrstu ferð.  

ABC londini skipaðu í felag fyri verkstovuni ”ABCs of Mental Health Promotion in a World of Turmoil”. Á verkstovuni løgdu vit fram okkara royndir, úrslit og gransking úr øllum ABC-londum. Magni Mohr og Monika Mohr løgdu dent á, hvussu tað ber til at tillaga ABC fyri sálarliga heilsu til eitt lítið samfelag sum Føroyar og seta átakið í verk kring alt landið. Úrslit úr eftirmetingum hjá føroyskum samstarvsfeløgum og ABC úrslit úr ”Hvussu hevur tú tað?” frá 2019 vóru eisini løgd fram. Verkstovan var eitt gott høvi hjá ABC-londunum at fáa enn betri innlit í arbeiðið hjá hvør øðrum og samstundis geva øðrum londum íblástur til at gerast partur av samstarvinum. Verkstovan gekk avbera væl og hølið var fullsett, og eitt gott kjak var aftaná. Áhoyrarar høvdu stóran áhuga fyri ABC fyri sálarliga heilsu og bæði fólk úr m.a. Belgia, Spania, Italia og Portugal vóru áhugað at taka átakið til sín.

Á ráðstevnuni varð eisini kunngjørt, at ein nýggjur altjóða bólkur fyri sálarliga fólkaheilsu júst er stovnaður. Ein av høvuðspersónunum í hesum arbeiðsbólki var á ABC verkstovuni og hann var hugtikin av arbeiðinum hjá øllum ABC londunum. Eitt umboð fyri ABC londini gjørdist partur av hesum bólki við øðrum høvuðsrøðarum frá ráðstevnuni og tað verður spennandi at fylgja við, hvat hettar fer at hava við sær.

Á fleiri øðrum verkstovum løgdu fyrilestrarhaldarar dent á, at tað hevur týdning at arbeiða tvørtur um geirar, á ymiskum stigum og við samstørvum, tá arbeitt verður við heilsu, sosialari vælveru og burðardygd, og er hetta í samsvari við ABC fyri sálarliga heilsu.

Tilknýtið millum ABC-londini gjørdist tættari og fara londini heilt vist at samstarva enn meira í framtíðini.

Onnur kunning

  1. Útgivið 21. mar. 2024
    Føroyingar roykja nógv meira enn aðrir norðurlendingar
  2. Útgivið 19. mar. 2024
    Løgfrøðingur til Fólkaheilsustýrið
  3. Útgivið 08. mar. 2024
    Samstarvsavtala við Genomisk Medisin á Ríkissjúkrahúsinum
  4. Útgivið 01. mar. 2024
    ABC samstarvsfundur og nýggjur samstarvsfelagi
  5. Útgivið 22. feb. 2024
    FarGen miðvísari til verka
  6. Útgivið 09. feb. 2024
    Stovnarin av ABC fyri sálarliga heilsu vitjar í Føroyum
  7. Útgivið 01. feb. 2024
    PKU-kortini hjá føroyingum flyta til Føroya
  8. Útgivið 29. jan. 2024
    Vend í tølunum fyri umfarssjúkur
  9. Útgivið 23. jan. 2024
    Kanningartilboð av nýføðingum víðkað til 25 sjúkur
  10. Útgivið 10. jan. 2024
    Visit Faroe Islands Meetings skrivað grein um ABC
  11. Útgivið 05. jan. 2024
    Móttøka í Fólkaheilsustýrinum
  12. Útgivið 02. jan. 2024
    Tíðindaskriv: Farsóttarøkið á føroyskar hendur
  13. Útgivið 28. des. 2023
    Ver virkin í 31 dagar
  14. Útgivið 27. des. 2023
    Almenn móttøka í Fólkaheilsustýrinum
  15. Útgivið 22. des. 2023
    Jóla- og nýggjársheilsan
  16. Útgivið 21. des. 2023
    Legg av 2024
  17. Útgivið 04. des. 2023
    Jólakalendari hjá Fólkaheilsustýrinum
  18. Útgivið 27. nov. 2023
    Vinnararnir funnir
  19. Útgivið 24. nov. 2023
    Átøk í ABC vikuni skapt nýggjar felagsskapir
  20. Útgivið 17. nov. 2023
    Tíðindaskriv: 5.104 ferðir takk